Stoltenberg sërish i bën thirrje Kosovës e Serbisë për shtensionimin e situatës dhe kthimin në dialog

Press conference by NATO Secretary General Jens Stoltenberg following the first day of meetings of NATO Ministers of Foreign Affairs

15:59 | 28 Qershor 2023
Gita

Sekretari i Përgjithshëm i Aleancës Veri-Atlantike, Jens Stoltenberg, u ka bërë thirrje sërish Kosovës e Serbisë që të shtensionojnë situatën në veri dhe të kthehen në dialogun e lehtësuar nga Bashkimi Evropian.

Në njoftimin e NATO-s bëhet e ditur se Stoltenberg ka folur edhe për situatën në Kosovë në takimin me kryeministren e Estonisë, Kaja Kallas.

Ai ndër të tjera ka thënë se dialogu është e vetmja mënyrë për të ecur para.

“Ne u bëjmë thirrje të dyja palëve që të përmbahen nga çdo gjë që mund të përshkallëzojë më tej tensionet dhe të kthehen menjëherë në dialogun e lehtësuar nga BE-ja, që është e vetmja rrugë përpara”, tha ai.

Sekretari i Përgjithshëm ka folur edhe për rëndësinë e misionit të KFOR-it të NATO-s në Kosovë, i cili tha se vazhdon të përmbushë mandatin e OKB-së.